இந்திய கிரிக்கெட் அணி, இன்றைக்கு ஒருநாள் கிரிக்கெட் போட்டியில் ஒரு மிகச் சிறந்த அணியாக உள்ளது. நூற்றுக்கணக்கான ஒருநாள் போட்டிகளில் வென்று சாதனை படைத்துள்ளது. இந்த வெற்றிகளுக்கு இந்திய கிரிக்கெட் அணி அடித்தளமிட்ட நாள் ஜூன் 11, 1975. அன்றைய தினம்தான் இந்திய கிரிக்கெட் அணி, ஒருநாள் கிரிக்கெட் போட்டியில் தனது முதல் வெற்றியைப் பதிவு செய்தது.
1975-ம் ஆண்டில் நடந்த முதலாவது உலகக் கோப்பை கிரிக்கெட் போட்டியில் இந்திய அணி, இந்த முதல் வெற்றியை பதிவு செய்தது. இப்போட்டியில் இந்தியாவிடம் தோற்ற அணி கிழக்கு ஆப்பிரிக்கா. கென்யா, உகாண்டா, தான்சானியா சாம்பியா ஆகிய நாடுகளை ஒன்றிணைத்து உருவான அணியாக அன்றைய காலகட்டத்தில் கிழக்கு ஆப்பிரிக்கா இருந்தது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்