ஹைதராபாத்: பிருத்விராஜ் இயக்கத்தில் மோகன்லால், மீனா, கல்யாணி பிரியதர்ஷன் உட்பட பலர் நடித்த மலையாளப் படம், ‘புரோ டாடி’. கடந்த 2022-ம் ஆண்டு வெளியான இந்தப் படம் வரவேற்பைப் பெற்றது.
மோகன்லால் - மீனா ஜோடியின் மகன் பிருத்விராஜ். இவர்களின் குடும்ப நண்பர் லாலு அலெக்ஸின் மகள் கல்யாணி பிரியதர்ஷன். பிருத்விராஜும் கல்யாணியும் ரகசியமாகக் காதலித்து வருகிறார்கள். ஒரு கட்டத்தில் கல்யாணி தாய்மை அடைகிறார். திருமணத்துக்குப் பெற்றோரிடம் பேச நினைக்கையில், மீனாவும் தாய்மை அடைந்திருக்கிறார். இந்தப் பிரச்சினை என்னவாகிறது என்பதுதான் கதை. இந்தப் படம் இப்போது தெலுங்கில் ரீமேக் ஆகிறது. சிரஞ்சீவி நடிக்கும் இந்தப் படத்தில் மீனா கேரக்டரில் த்ரிஷா நடிக்கிறார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்