வடசென்னையில் நிறைய பாக்ஸிங் பரம்பரைகள் உள்ளன. இதில் சார்பட்டா பரம்பரைக்கும், இடியாப்ப பரம்பரைக்கும் பல காலமாகப் போட்டி இருக்கிறது. கடைசியில் ஒரு போட்டி, அதில் யார் ஜெயிக்கிறார் என்று பார்த்துக் கொள்வோம். அதில் தோற்றுவிட்டால் சார்பட்டா பரம்பரை இனி சண்டையே போடாது என்று போட்டிக்கு ஒப்புக்கொண்டு வருகிறார் பசுபதி. அதற்குப் பிறகு என்ன நடக்கிறது என்பதே 'சார்பட்டா பரம்பரை'.
நிறைய நடிகர்கள் இருக்கிறார்கள். ஆனால், அனைவருமே மனதில் பதிவது ஏதேனும் ஒரு சில படங்களில்தான் நடக்கும். அது இந்தப் படத்தில் சரியாக அமைந்துள்ளது. கபிலன் கதாபாத்திரத்தில் அற்புதமான நடிப்பைக் கொடுத்துள்ளார் ஆர்யா. அவருடைய திரையுலக வாழ்வில் சிறந்த படங்களில் ஒன்று என்று சொல்லலாம்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்