குடும்பத்துடன் தியேட்டருக்கு வரவைத்த வசூல் சக்கரவர்த்தி விசு! - இயக்குநர் விசு பிறந்தநாள் இன்று

தனக்கென ஒரு பாணியை வைத்துக் கொண்டு, திரையுலகில் பட்டொளி வீசிப் பறந்த கலைஞர்கள் ஏராளம். ஒரு வீட்டில் உள்ள எல்லா வயதினரும் ஒன்றாக அமர்ந்து படம் பார்க்க வைப்பதையே தன் பாணியாகவும் கதையாகவும் கட்டமைப்பாகவும் வைத்துக் கொண்டு ஜெயித்த இயக்குநர்களில் முக்கியமானவர்... விசு.

நாயகனைச் சுற்றியுள்ள கதையை, சினிமாவாக்கிக் கொண்டிருக்கும் காலம்தான் இப்போது. அந்த நாயகனைச் சுற்றி மட்டுமே கதை பண்ணுவது அதிகரித்துவிட்டது. ஆனால் விசுவின் படங்கள் அப்படியல்ல. அவை நாயகனைச் சுற்றிய கதையாக இருக்கவில்லை. ஹீரோவுக்கு முக்கியத்துவம் தருகிற விதமாக படமெடுக்கவில்லை. நாயகனையும் குடும்பத்தையும் பிரித்துக் கதை பண்ணவில்லை. விசு படத்தில் கதையின் நாயகன்... கதை தான்!

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்