1995ஆம் ஆண்டு ரஷ்ய உளவாளிகளான அலெக்ஸி மற்றும் மெலினா இருவரும் அமெரிக்காவின் ஓஹியோவில் கணவன் மனைவியாக நடித்துக் கொண்டிருக்கிறார்கள். தங்களது இரு மகள்கள் எனக் கூறி நடாஷா ரோமனாஃப் மற்றும் யெலினா பெலோவா என்ற இரு பெண் குழந்தைகளை வளர்க்கிறார்கள். ஷீல்ட் நிறுவனத்தில் ரகசியத் திட்டம் ஒன்றைத் திருடிச் சென்று கூபாவில் இருக்கும் வில்லன் ஜெனரல் ட்ரேகாவிடம் ஒப்படைக்கிறார்கள். வில்லன் நடத்தும் ரெட் ரூம் என்ற ஒரு திட்டத்துக்கு வலுக்கட்டாயமாக நடாஷா மற்றும் யெலினா இருவரும் அழைத்துச் செல்லப்படுகிறார்கள். பல ஆண்டுகள் கழித்து அந்த இடத்தை வெடிகுண்டால் தகர்த்துவிட்டு வில்லனின் மகளைக் கொன்று அங்கிருந்து தப்பித்து ஷீல்ட் நிறுவனத்தில் இணைகிறார் நடாஷா.
இதன் பிறகு பல வருடங்கள் கழித்து அயர்ன்மேன் குழுவுடன் ஏற்பட்ட விரோதத்தால் தலைமறைவு வாழ்க்கை வாழ்ந்து நடாஷா தனது தங்கையைத் தேடிச் செல்கிறார். அவரால் தன் தங்கையைக் கண்டுபிடிக்க முடிந்ததா? வில்லனின் ரெட் ரூம் திட்டம் என்றால் என்ன? நடாஷாவின் வளர்ப்புப் பெற்றோருக்கு என்னவானது? எனபதற்குப் படத்தின் திரைக்கதை விடை சொல்கிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்