சிங்கப்பூர்: 'தி காஷ்மீர் ஃபைல்ஸ்' திரைப்படத்திற்கு சிங்கப்பூரில் தடை விதிக்கப்படலாம் எனத் தெரிகிறது. சிங்கப்பூரின் திரைப்படங்களுக்கான வழிகாட்டுதலை இந்த திரைப்படம் மீறியுள்ளதால் இந்த நடவடிக்கை பாயும் எனத் தெரிகிறது.
கடந்த மார்ச் 11-ஆம் தேதி இந்தியா முழுவதும் திரையரங்குகளில் வெளியாகி இருந்தது 'தி காஷ்மீர் ஃபைல்ஸ்' திரைப்படம். 1990-களில் காஷ்மீர் பகுதியில் நடைபெற்ற உண்மைச் சம்பவத்தை தழுவி எடுக்கப்பட்ட திரைப்படம் இது. இந்தியாவின் சில மாநிலங்களில் இந்தத் திரைப்படத்திற்கு வரி விலக்கு கொடுக்கப்பட்டது. நல்ல வசூலை ஈட்டி இருந்தது இந்தத் திரைப்படம். இதுவரை சுமார் 300 கோடி ரூபாய்க்கு மேல் வசூலித்துள்ளதாக தெரிகிறது. இயக்குநர் விவேக் அக்னிஹோத்ரி இயக்கிய இந்தப் படம் கலவையான விமர்சனங்களை பெற்றிருந்தது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்