பெல்கிரேடு: செர்பியாவின் பெல்கிரேடு நகரில் உலக மல்யுத்த சாம்பியன்ஷிப் நடைபெற்று வருகிறது. இதில் ஆடவருக்கான 65 கிலோ எடைப் பிரிவில் வெண்கல பதக்கத்துக்கான ஆட்டத்தில் இந்தியாவின் பஜ்ரங் புனியா, பியூர்டோ ரிக்கோவின் செபாஸ்டியன் சி ரிவேராவை எதிர்த்து விளையாடினார். இதில்பஜ்ரங் புனியா 11-9 என்ற கணக்கில் வெற்றி பெற்று வெண்கலப் பதக்கம் வென்றார்.
உலக மல்யுத்த சாம்பியன்ஷிப்பில் பஜ்ரங் புனியா பதக்கம் வெல்வது இது 4-வது முறையாகும். முதற்கு முன்னர் 2013-ம் ஆண்டு வெண்கலப் பதக்கமும், 2018-ம் ஆண்டு வெள்ளிப் பதக்கமும், 2019-ம் ஆண்டு வெண்கலப் பதக்கமும் வென்றிருந்தார் பஜ்ரங் புனியா.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்