நடால் விலகல்: இண்டியன்வெல்ஸ், மியாமி ஏடிபி டென்னிஸ் போட்டியிலிருந்து விலகுவதாக பிரபல டென்னிஸ் வீரர் ரபேல் நடால் (ஸ்பெயின்) அறிவித்துள்ளார். 22 கிராண்ட்ஸ்லாம் போட்டிகளில் பட்டம் வென்ற சாதனை படைத்த நடால், சமீப காலமாக காயம் காரணமாக அவதிப்பட்டு வருகிறார். அவருடைய இடுப்பு பகுதியில் தசைநார் முறிவு ஏற்பட்டுள்ளதால், அதற்காக சிகிச்சை பெற்று வருகிறார்.
இந்நிலையில் இண்டியன்வெல்ஸ் மற்றும் மியாமி மாஸ்டர்ஸ் டென்னிஸ் போட்டிகளில் இருந்து ரபேல் நடால் விலகுவதாக நேற்று அறிவித்துள்ளார். இதுதொடர்பாக அவர் தனது ட்விட்டர் பக்கத்தில் கூறும்போது, ‘‘இண்டியன்வெல்ஸ் அல்லது மியாமி டென்னிஸில் என்னால் விளையாட முடியாமல் போனது வருத்தம் அளிக்கிறது. அங்குள்ள எனது அமெரிக்க ரசிகர்களை தவற விடுகிறேன்’’ என்றார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்