ஷார்ஜா: ஐக்கிய அரபு அமீரக அணிக்கு எதிரான ஒருநாள் கிரிக்கெட் போட்டித் தொடரை 3-0 என முழுமையாக கைப்பற்றியது மேற்கிந்தியத் தீவுகள் அணி.
ஷார்ஜாவில் நேற்று முன்தினம் இரவு நடைபெற்ற 3-வது ஒருநாள் கிரிக்கெட் போட்டியில் முதலில் பேட் செய்த ஐக்கிய அரபு அமீரகம் அணி 36.1 ஓவரில் 184 ரன்களுக்கு அனைத்து விக்கெட்களையும் இழந்தது. அதிகபட்சமாக விருத்தியா அரவிந்த் 70, முகமது வாசீம் 42, ரமீஸ் ஷாஜாத் 27 ரன்கள் சேர்த்தனர். ஒரு கட்டத்தில் ஐக்கிய அரபு அமீரகம் அணி 23 ஓவர்களில் 3 விக்கெட்கள் இழப்புக்கு 142 ரன்கள் சேர்த்து வலுவாகவே இருந்தது. ஆனால் மேற்கொண்டு 42 ரன்களை சேர்ப்பதற்குள் எஞ்சிய அனைத்து விக்கெட்களையும் தாரை வார்த்தது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்