லண்டன்: எதிர்வரும் ஐசிசி உலக டெஸ்ட் சாம்பியன்ஷிப் இறுதிப் போட்டியில் விளையாடும் வகையில் இந்திய அணியின் ஆல்ரவுண்டர் ரவீந்திர ஜடேஜா, இங்கிலாந்து சென்றுள்ளார். தற்போது அவர் இந்திய அணியினருடன் இணைந்து பயிற்சி மேற்கொண்டு வருகிறார். இந்தச் சூழலில் ‘வானத்தைப்போல’ தமிழ் திரைப்படத்தில் இடம் பெற்றுள்ள ‘எங்கள் வீட்டில் எல்லா நாளும் கார்த்திகை’ பாடலை தனது இன்ஸ்டாகிராம் ஸ்டோரியாக அவர் வைத்துள்ளார்.
இந்திய அணியின் பயிற்சி உடையில் அவர் நிற்கும் படத்தையும் இதில் வைத்துள்ளார். அதோடு மஞ்சள் நிறத்தில் 5 ஹார்ட்டீனையும் அவர் வைத்துள்ளார். இதன் மூலம் அவர் சென்னை சூப்பர் கிங்ஸ் அணியை குறிப்பிடுகிறார் என சொல்வது போல உள்ளது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்