லார்ட்ஸ்: நியூஸிலாந்து அணிக்கு எதிரான கடைசி மற்றும் 4-வது ஒருநாள் கிரிக்கெட் போட்டியில் முதலில் பேட் செய்த இங்கிலாந்து அணி 9விக்கெட்கள் இழப்புக்கு 311 ரன்கள் குவித்தது. டேவிட் மலான் 127 ரன்கள் விளாசினார்.
லண்டன் லார்ட்ஸ் மைதானத்தில் நேற்று நடைபெற்ற இந்த ஆட்டத்தில் டாஸ் வென்ற இங்கிலாந்து அணி பேட்டிங்கை தேர்வு செய்தது. தொடக்க வீரரான ஜானி பேர்ஸ்டோ 13 ரன்னில் மேட் ஹென்றி பந்தில் ஆட்டமிழந்தார். இதைத் தொடர்ந்து களமிறங்கிய ஜோ ரூட் 29, ஹாரி புரூக் 10, கேப்டன் ஜாஸ் பட்லர் 36 ரன்களில் வெளியேறினர். அதிரடியாக விளையாடி தனது 5-வது சதத்தை விளாசிய டேவிட் மலான் 114 பந்துகளில், 3 சிக்ஸர்கள், 14 பவுண்டரிகளுடன் 127 ரன்கள் விளாசிய நிலையில் ரச்சின் ரவீந்திரா பந்தில் ஆட்டமிழந்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்