சென்னை: தமிழில், மாஸ்கோவின் காவிரி படம் மூலம் ஹீரோவாக அறிமுகமானவர் ராகுல் ரவீந்திரன். இந்தப் படத்தில்தான் நடிகை சமந்தாவும் அறிமுகமானார். இதையடுத்து விண்மீன்கள், சூரிய நகரம், வணக்கம் சென்னை, தி கிரேட் இண்டியன் கிச்சன் ஆகிய படங்களில் நடித்த ராகுல் ரவீந்திரன், தெலுங்கு படங்களிலும் நடித்துவருகிறார். அங்கு ‘மன்மதடு 2’ உட்பட இரண்டு படங்களை இயக்கியுள்ள அவர், மீண்டும் படம் இயக்குகிறார்.
நாயகிக்கு முக்கியத்துவம் கொண்ட கதையான இதில், நடிகை சமந்தா, நாயகியாக நடிப்பதாக இருந்தது. அவர் தசை அழற்சிக்காக ஓய்வில் இருப்பதால், ராஷ்மிகா மந்தனா நாயகியாக நடிக்க இருக்கிறார். ஜிஏ2 பிக்சர்ஸ் தயாரிக்கும் இந்தப் படம் பற்றிய அறிவிப்பு விரைவில் வெளியாகும் என்று தெரிகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்