வதோதரா: 17 வயதுக்கு உட்பட்டோருக்கான யுடிடி தேசிய தரவரிசை டேபிள் டென்னிஸ் சாம்பியன்ஷிப் போட்டி குஜராத் மாநிலம் வதோதராவில் உள்ள சாமா உள்விளையாட்டு அரங்கில் நடைபெற்றது. இதில் ஆடவர் ஒற்றையர் இறுதிப் போட்டியில் தமிழகத்தின் பாலமுருகன், மகாராஷ்டிராவைச் சேர்ந்த குஷால் சோப்டாவை எதிர்த்து விளையாடினார்.
விறுவிறுப்பாக நடைபெற்ற இந்த ஆட்டத்தில் பாலமுருகன் 11-6, 14-12, 11-8 என் செட் கணக்கில் வெற்றி பெற்று சாம்பியன் பட்டம் வென்றார். தேசிய தரவரிசை டேபிள் டென்னிஸ் சாம்பியன்ஷிப்பில் பாலமுருகன் தொடர்ச்சியாக வென்றுள்ள 3-வது பட்டம் இதுவாகும்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்