மும்பை: ஐசிசி ஒருநாள் கிரிக்கெட் உலகக் கோப்பை தொடரின் முதல் அரை இறுதி ஆட்டத்தில் இன்று பிற்பகல் 2 மணிக்கு மும்பை வான்கடே மைதானத்தில் ரோஹித் சர்மா தலைமையிலான இந்திய அணி, கேன் வில்லியம்சன் தலைமையிலான நியூஸிலாந்து அணியுடன் பலப்பரீட்சை நடத்துகிறது.
ரோஹித் சர்மா தலைமையிலான இந்திய கிரிக்கெட் அணி லீக் சுற்றில் 9 ஆட்டங்களிலும் வெற்றிகளை குவித்து அரை இறுதியில் நுழைந்துள்ளது. மட்டை வீச்சில் ரோஹித் சர்மா, ஷுப்மன் கில் ஆகியோரின் பயமில்லாத தாக்குதல் ஆட்ட அணுகுமுறை நடு ஓவர்களில் மற்ற பேட்ஸ்மேன்கள் ரன் ரேட் குறித்து அச்சம் இல்லாமல் விளையாடுவதற்கு பெரிதும் உதவியாக இருந்து வருகிறது. 503 ரன்களை குவித்துள்ள ரோஹித் சர்மாவும், 7 ஆட்டங்களில் விளையாடி 270 ரன்கள் சேர்த்துள்ள ஷுப்மன் கில்லும் மீண்டும் ஒரு முறை சிறப்பான தொடக்கம் அமைத்து கொடுப்பதில் கவனம் செலுத்தக்கூடும்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்