அகமதாபாத்: நாளை நடைபெறும் இங்கிலாந்து அணிக்கு எதிரான தரம்சாலா டெஸ்ட் போட்டி இந்திய அணி வீரர் அஸ்வினுக்கு 100-வது டெஸ்ட் போட்டியாக அமைந்துள்ளது. இந்த நிலையில், தன்னால் மறக்க முடியாத அஸ்வினின் சிறந்த டெஸ்ட் இன்னிங்ஸ் குறித்து நினைவு கூர்ந்துள்ளார் இந்திய வீரர் புஜாரா.
தரம்சாலா போட்டியில் விளையாடுவதன் மூலம் 100 டெஸ்ட் போட்டிகளில் விளையாடிய 14-வது இந்திய வீரர் என்ற சாதனையை அஸ்வின் படைக்க உள்ளார். அண்மையில் 500 விக்கெட் சாதனையை படைத்திருந்தார். இதுவரை இந்திய அணிக்காக டெஸ்ட் கிரிக்கெட்டில் விளையாடிய பந்து வீச்சாளர்களில் 4 பேர் மட்டுமே 100 டெஸ்ட் போட்டிகளில் விளையாடி உள்ளனர். அந்த பட்டியலில் 5-வது வீரராக அஸ்வின் இணைகிறார். மேலும், இந்த சாதனையை சர்வதேச டெஸ்ட் கிரிக்கெட்டில் படைக்கும் 6-வது சுழற்பந்து வீச்சாளர், 4-வது ஆஃப் ஸ்பின்னராகவும் அஸ்வின் அறியப்படுவார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்