வெலிங்டன்: நியூஸிலாந்து அணிக்கெதிரான முதலாவது கிரிக்கெட் டெஸ்ட் போட்டியில் ஆஸ்திரேலிய அணி 172 ரன்கள் வித்தியாசத்தில் அபார வெற்றியைப் பெற்றது. 2-வது இன்னிங்ஸில் ஆஸ்திரேலிய வீரர் நேதன் லயன் அபாரமாக பந்துவீசி 6 விக்கெட்களைச் சாய்த்தார்.
நியூஸிலாந்து - ஆஸ்திரேலியா அணிகள் இடையிலான முதல் டெஸ்ட் கிரிக்கெட் போட்டி வெலிங்டனில் நடைபெற்று வருகிறது. முதல் இன்னிங்ஸில் கேமரூன் கிரீன் அதிரடியாக விளையாடி 174 ரன்கள் சேர்த்தார். இதனால் ஆஸ்திரேலிய அணி 383 ரன்கள் குவித்தது. தொடர்ந்து விளையாடிய நியூஸிலாந்து அணியானது முதல் இன்னிங்ஸில் 179ரன்களுக்கு ஆட்டமிழந்தது. அதிகபட்சமாக கிளென் பிலிப்ஸ் 71, மேட்ஹென்றி 42, டாம் பிளண்டடெல் 33 ரன்கள் சேர்த்தனர். இதனால் ஆஸ்திரேலியா 204 ரன்கள் முதல் இன்னிங்ஸில் முன்னிலை பெற்றது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்