விசாகப்பட்டினம்: ஐபிஎல் டி20 கிரிக்கெட் தொடரில் இன்று இரவு 7.30 மணிக்கு விசாகப்பட்டினத்தில் உள்ள டாக்டர் ஒய்.எஸ்.ராஜசேகர ரெட்டி ஏசிஏ-விடிசிஏ கிரிக்கெட் மைதானத்தில் நடைபெறும் ஆட்டத்தில் 5 முறை சாம்பியனான சிஎஸ்கே, டெல்லி கேபிடல்ஸ் அணியுடன் மோதுகிறது.
ருதுராஜ் கெய்க்வாட் தலைமையிலான சிஎஸ்கே தனது முதல் ஆட்டத்தில் ராயல் சாலஞ்சர்ஸ் பெங்களூரு அணியை 6 விக்கெட்கள் வித்தியாசத்திலும், 2-வது ஆட்டத்தில் 63 ரன்கள் வித்தியாசத்தில் குஜராத் டைட்டன்ஸையும் தோற்கடித்து இருந்தது. இதன் வாயிலாக 4 புள்ளிகளை பெற்றுள்ள சிஎஸ்கே நிகர ரன் ரேட் 1.979 உடன் புள்ளிகள் பட்டியலில் முதலிடத்தில் உள்ளது. இரு ஆட்டங்களையும் நடப்பு சாம்பியனான சிஎஸ்கே தனது சொந்த மைதானமான சேப்பாக்கத்தில் விளையாடி இருந்தது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்