அட்லி இயக்கும் படத்தில் ரஜினி, சல்மான் கான்?

ஷாருக்கான் நடித்த ‘ஜவான்’மூலம் இந்திக்குச் சென்றார், இயக்குநர் அட்லி. அந்தப் படம் ஆயிரம் கோடி ரூபாய் வசூலித்து சாதனைப் படைத்தது. அடுத்து அல்லு அர்ஜுன் நடிக்கும் படத்தை இயக்க இருந்தார். அந்தப் படத்துக்காக அவர், தனக்கு ரூ.80 கோடி சம்பளம் கேட்டதாகச் செய்திகள் வெளியாயின. அதனால் படத்தைத் தயாரிக்க இருந்த கீதா ஆர்ட்ஸ் நிறுவனம் அதை கைவிட்டு விட்டதாகக் கூறப்படுகிறது.

இந்நிலையில் சல்மான் கான் ஹீரோவாக நடிக்கும் படத்தை அட்லி இயக்குகிறார். இதை சன் பிக்சர்ஸ் தயாரிக்க இருக்கிறது. இந்தப் படத்தின் லைனை கேட்ட சல்மான் கான் நடிக்க சம்மதித்து விட்டதாகக் கூறப்படுகிறது. இரண்டு ஹீரோ சப்ஜெக்டான இதில் தென்னிந்திய ஹீரோ ஒருவர் நடிக்க இருப்பதாக அடுத்த அப்டேட் வெளியானது. இந்நிலையில் நடிகர் ரஜினிகாந்த் அதில் நடிக்க இருப்பதாகச் செய்திகள் வெளியாகியுள்ளன. அதற்கான பேச்சுவார்த்தை நடந்து வருவதாகக் கூறப்படுகிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்