பாரிஸ்: ஒலிம்பிக் மல்யுத்தத்தில் மகளிர் 76 கிலோ எடைப்பிரிவில் ரெபிசாஜ் வாய்ப்பை இழந்தார் இந்தியாவின் ரீதிகா ஹுடா. அரையிறுதியில் கிர்கிஸ்தானின் ஐபெரி மெடெட் கைசியை அமெரிக்க வீராங்கனை கென்னடி பிளேட்ஸ் வீழ்த்தினார்.
இதன் மூலம் வெண்கலப் பதக்க போட்டியில் ரீதிகா ஹுடா விளையாடும் வாய்ப்பை இழந்தார். காலிறுதியில் ஐபெரி மெடெட் கைசியுடன் ரீதிகா ஹுடா விளையாடி இருந்தார். இதில் 1-1 என இருவரும் புள்ளிகள் பெற்றனர். செயல்திறன் சார்ந்த காரணங்களுக்காக ஐபெரி அரையிறுதிக்கு முன்னேறி இருந்தார். அவர் இறுதிக்கு முன்னேறினால் ரெபிசாஜ் சுற்றில் ரீதிகா விளையாடும் வாய்ப்பு இருந்தது குறிப்பிடத்தக்கது. இந்நிலையில், அவர் அதில் தோல்வி கண்டார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்