மெல்பர்ன்: ஆஸ்திரேலிய ஓபன் டென்னிஸ் தொடரில் ஆடவர் ஒற்றையர் பிரிவு 3-வது சுற்றில் 4-ம் நிலை வீரரான அமெரிக்காவின் டெய்லர் ஃபிரிட்ஸும், மகளிர் ஒற்றையர் பிரிவு 3-வது சுற்றில் 4-ம் நிலை வீராங்கனையான இத்தாலியின் ஜாஸ்மின் பவ்லினியும் அதிர்ச்சி தோல்வி அடைந்தனர்.
ஆஸ்திரேலியாவின் மெல்பர்ன் நகரில் நடைபெற்று வரும் இந்தத் தொடரின் 7-வது நாளான நேற்று ஆடவர் ஒற்றையர் பிரிவு 3-வது சுற்று ஆட்டத்தில் 4-ம் நிலை வீரரான அமெரிக்காவின் டெய்லர் ஃபிரிட்ஸ், 41-ம் நிலை வீரரான பிரான்ஸின் கேல் மோன்பில்ஸுடன் மோதினார். இதில் கேல் மோன்பில்ஸ் 3-6, 7-5, 7-6 (7-1), 6-4 என்ற செட் கணக்கில் டெய்லர் ஃபிரிட்ஸை வீழ்த்தி 4-வது சுற்றுக்கு முன்னேறினார். நடப்பு சாம்பியனும், முதல் நிலை வீரருமான இத்தாலியின் ஜன்னிக் சின்னர் 6-3, 6-4, 6-2 என்ற நேர் செட் கணக்கில் 46-ம் நிலை வீரரான அமெரிக்காவின் மார்கோஸ் கிரோனை தோற்கடித்து 4-வது சுற்றில் கால்பதித்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்