மணிரத்னம் இயக்கத்தில் விக்ரம்-ஐஸ்வர்யா ராய்-பிருத்விராஜ் முதன்மைக் கதாபாத்திரங்களில் நடித்த ‘ராவணன்’ திரைப்படம் வெளியான நாள் இன்று (2010 ஜூன் 18).
தமிழ்த் திரைப்படங்களில் பிரதானமாக இயங்கினாலும் இந்தியா முழுவதும் உள்ள திரைப்பட ரசிகர்களையும் திரைத்துறை பிரபலங்களையும் கவர்ந்து அவர்களின் நன்மதிப்பைப் பெற்றிருப்பவர் மணிரத்னம். 1990களில் அவருடைய இயக்கத்தில் வெளியான ‘ரோஜா’, ‘பம்பாய்’ உள்ளிட்ட திரைப்படங்கள் தமிழில் எடுக்கப்பட்டாலும் அவற்றின் இந்தி மொழி மாற்ற வடிவங்களும் மிகப் பெரிய வெற்றியைப் பெற்றன. இதனால் நேரடி ’தில் சே’, ‘குரு’ உள்ளிட்ட நேரடி இந்திப் படங்களை இயக்கினார் மணிரத்னம். இவற்றில் தொழிலதிபர் அனில் அம்பானியின் வாழ்க்கையைத் தழுவி எடுக்கப்பட்ட ‘குரு’ மிகப் பெரிய வெற்றியைப் பெற்றது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்