யூரோ கால்பந்து தொடரின் நாக்-அவுட் சுற்றில் உலக சாம்பியனான பிரான்ஸ் அணியை பெனால்டி ஷூட் அவுட்டில் 5-4 என்ற கோல் கணக்கில் வீழ்த்தி கால் இறுதி சுற்றுக்கு முன்னேறியது சுவிட்சர்லாந்து அணி.
புக்கரஸ்ட் நகரில் நேற்று நடைபெற்ற இந்த ஆட்டத்தில் 15-வதுநிமிடத்தில் ஸ்டீவன் ஜூபர் அடித்த கிராஸை தலையால் முட்டி கோலாக மாற்றினார் சுவிட்சர்லாந்தின் ஹாரிஸ் செஃபெரோவிக். இதனால் சுவிட்சர்லாந்து 1-0 என முன்னிலை பெற்றது. 55-வது நிமிடத்தில் சுவிட்சர்லாந்து அணிக்கு பெனால்டி வாய்ப்பு கிடைத்தது. அருமையான இந்த வாய்ப்பை ரிக்கார்டோ ரோட்ரிக்ஸ் கோலாக மாற்றத் தவறினார். இதன் பின்னர் பிரான்ஸ் அணி இரட்டை பதிலடி கொடுத்தது. 57 மற்றும் 59-வது நிமிடங்களில் கரீம் பென்சீமா கோல் அடிக்க பிரான்ஸ் அணி 2-1 என முன்னிலை பெற்றது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்