குக் வித் கோமாளி போன்ற நிகழ்ச்சிகள் மூலமாக புகழ்பெற்ற ரக்‌ஷன், 'கண்ணும் கண்ணும் கொள்ளையடித்தால்' படம் மூலமாக தமிழ் சினிமாவில் நடிகராக அறிமுகமானார். இந்தப் படத்தில் துல்கர் சல்மானின் நண்பனாக நடித்திருந்தார். அது நல்ல வரவேற்பை பெற்றது. இந்நிலையில், இவர் இப்போது நாயகனாக அறிமுகமாக உள்ளார்.
பெயரிடப்படாத படம் ஒன்றில் கமிட் ஆகியுள்ளார். இந்தப் படத்தின் படப்பிடிப்பு, இன்று பூஜையுடன் துவங்கியது. பிலியா எண்டர்டெயின்மெண்ட் மற்றும் குவியம் மீடியா ஒர்க்ஸ் இணைந்து இந்தப் படத்தை தயாரிக்கின்றனர். யோகேந்திரன் என்பவர் இயக்க உள்ளார். உணர்வுபூர்மான காதல், நட்பு, உறவுகளை மையமாக கொண்டு, அனைவரும் ரசிக்கும் கமர்ஷியல் பொழுது போக்கு திரைப்படமாக இப்படம் உருவாகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்