சென்னை: யெல்லோ பியர் புரொடக்சன் சார்பில் சதீஷ் நாயர் தயாரித்துள்ள படம், ‘ரெஜினா’. சுனைனா நாயகியாக நடித்துள்ள இந்த கிரைம் த்ரில்லர் படத்தை மலையாள இயக்குநர் டொமின் டி’சில்வா இயக்கியுள்ளார். நிவாஸ் ஆதித்தன், ரித்து மந்த்ரா, அனந்த் நாக், தீனா கஜராஜ், விவேக் பிரசன்னா, பவாசெல்லதுரை உட்பட பலர் நடித்துள்ளனர். பவி கே.பவன் ஒளிப்பதிவு செய்துள்ளார்.
சதீஷ் நாயர் இசை அமைத்துள்ள இதன் டிரெய்லர் மற்றும் இசை வெளியீட்டு விழா சென்னையில் நடைபெற்றது. இயக்குநர் வெங்கட்பிரபு வெளியிட்டார். இயக்குநர் எழில், தயாரிப்பாளர்கள் டி.சிவா, சித்ரா லட்சுமணன், சக்தி பிலிம்பேக்டரி சக்திவேலன், எஸ்கேப் ஆர்டிஸ்ட் மதன் உட்பட பலர் கலந்துகொண்டனர்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்