லண்டன்: ஐசிசி டெஸ்ட் கிரிக்கெட் சாம்பியன்ஷிப் இறுதிப் போட்டியில் இந்தியா - ஆஸ்திரேலியா அணிகள் இன்று பலப்பரீட்சை நடத்துகின்றன. வரும் 11-ம் தேதி வரை நடைபெறும் இந்த போட்டி லண்டனில் உள்ள தி ஓவல் மைதானத்தில் இன்று பிற்பகலில் தொடங்குகிறது. இரு அணிகளுமே சமபலம் வாய்ந்தது என்பதால் இந்த போட்டி உலக கிரிக்கெட் ரசிகர்களுக்கு விருந்தாக அமையக்கூடும்.
இந்திய கிரிக்கெட் அணி உலக டெஸ்ட் சாம்பியன்ஷிப் தொடரில் கடந்த இரு ஆண்டுகளாக தொடர்ச்சியாக சிறந்த செயல் திறனை வெளிப்படுத்தி உள்ளது. மீண்டும் ஒரு முறை ஐசிசி நடத்தும் தொடரில் கோப்பையை வெல்லும் கனவுடன் இந்திய அணி இறுதிப் போட்டியில் களமிறங்குகிறது. இந்திய அணி கடைசியாக கடந்த 2013-ம் ஆண்டு ஐசிசி சாம்பியன்ஸ் டிராபியை வென்றிருந்தது. அதன் பின்னர் 10 ஆண்டுகளில் இந்திய அணி நாக் அவுட் சுற்றை கடக்க முடியாமல் திணறி வருகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்