புனே: புனேவில் நடைபெற்று வரும் அல்டிமேட் டேபிள் டென்னிஸ் தொடரில் டெல்லி தபாங் அணிக்கு எதிரான ஆட்டத்தில் கோவா சாலஞ்சர்ஸ் அணி 8-7 என்ற கணக்கில் வெற்றி பெற்று இறுதிப் போட்டியில் கால்பதித்தது.
இந்த மோதலில் 4 ஆட்டங்கள் முடிவடைந்த நிலையில் 6-6 என சமநிலையில் இருந்தது. ஆனால் கடைசியாக நடைபெற்ற மகளிர் ஒற்றையர் பிரிவு ஆட்டத்தில் கோவா அணியின் ரீத் ரிஷ்யா அபாரமாக விளையாடி தரவரிசையில் 82-வது இடத்தில் உள்ள சகநாட்டைச் சேர்ந்தவரும் டெல்லி தபாங் அணியின் முன்னணி வீராங்கனையுமான ஸ்ரீஜா அகுலாவை எதிர்கொண்டார். இதில் சென்னை பெரம்பூரை சேர்ந்த ரீத் ரிஷ்யா தனது தாக்குதல் ஆட்டத்தால் ஸ்ரீஜா அகுலாவை நிலைகுலையச் செய்ததுடன் தனது திறனால் பார்வையாளர்களை வெகுவாக கவர்ந்தார். அதிலும் கடைசிசெட்டில் ரீத் ரிஷ்யா, ஸ்ரீஜாவை வீழ்த்தியதும் ஆல்வரோ ரோபிள்ஸ் ஓடிவந்து ரீத் ரிஷ்யாவை தூக்கி கொண்டாடினார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்