தொலைக்காட்சித் தொடர்கள் மற்றும் வெப் தொடர்களுக்காக அமெரிக்காவில் வழங்கப்படும் எம்மி விருது மிகவும் பிரபலம். ஆஸ்கர் விருதுக்கு இணையாகக் கருதப்படும் இந்த விருது உலகம் முழுவதும் கவனத்தைப் பெற்றுள்ளன. இந்த விருது விழா வழக்கமாக செப்டம்பர் மாதம் நடைபெறும். இந்த வருடத்துக்கான 75 வது எம்மி விருது விழா, செப்.17-ம் தேதி நடத்தப்பட இருந்தது.
இந்நிலையில் ஹாலிவுட் வேலை நிறுத்தம் கடந்த மே மாதம் முதல் நடந்து வருகிறது. இந்த வேலை நிறுத்தம் இன்னும் முடியாததால், எம்மி விருது வழங்கும் விழா தள்ளி வைக்கப்பட்டுள்ளது. இந்த விருது விழா, அடுத்த வருடம் ஜனவரி 15-ம் தேதி லாஸ் ஏஞ்சல்ஸ் நகரில் நடக்கும் என அறிவிக்கப்பட்டுள்ளது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்