இந்திய கிரிக்கெட்டின் பொன்னான நாள் இன்றைய தினம். ஏனெனில், கடந்த 1971-ல் இதே ஆகஸ்ட் 24-ம் தேதி அன்று இங்கிலாந்து மண்ணில் அந்நாட்டு அணியை டெஸ்ட் போட்டியில் முதன்முதலாக இந்தியா வென்றது.
இதே ஆண்டில்தான் இந்த வெற்றியைச் சாத்தியமாக்கிய ஸ்டேட் வங்கி ஊழியரான அஜித் வடேகர் இந்திய அணியின் கேப்டனாக்கப்பட்டார். சுனில் கவாஸ்கர் அணியின் ஜூனியர் வீரராக பெரிய ஆளுமையுடன் உள்ளே வருகிறார். ஏனெனில், இதற்கு முந்தைய கடும் சவாலான மே.இ.தீவுகளுக்கு பயணம் மேற்கொண்ட கவாஸ்கர் சவால்களை ஊதித்தள்ளி அறிமுக டெஸ்ட் தொடரிலேயே 4 டெஸ்ட் போட்டிகளில் 774 ரன்கள் குவித்து கிரிக்கெட் உலகையே கலக்கிய நாட்களாகும் அது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்