சென்னை: ஆடவருக்கான 7-வது ஆசிய ஹாக்கி சாம்பியன்ஸ் டிராபி தொடர் சென்னை எழும்பூரில் உள்ள மேயர் ராதாகிருஷ்ணன் மைதானத்தல் இன்று (3-ம் தேதி) தொடங்குகிறது. நடப்பு சாம்பியன் கொரியா, இந்தியா, பாகிஸ்தான், சீனா, மலேசியா, ஜப்பான் ஆகிய 6 அணிகள் இந்தத் தொடரில் கலந்துகொள்கின்றன.
கோப்பையை வெல்லக்கூடிய அணிகளுள் ஒன்றாக கருதப்படும் 3 முறை சாம்பியனான இந்திய அணிக்கு உள்நாட்டில் நடைபெறும் இந்தத் தொடர் வரும் செப்டம்பர் இறுதியில் சீனாவில் நடைபெற உள்ள ஆசிய விளையாட்டு போட்டிக்கான சிறந்த பயிற்சியாக இருக்கும் என கருதப்படுகிறது. 2011-ம் ஆண்டு தொடங்கப்பட்ட ஆசிய ஹாக்கி சாம்பியன்ஸ் டிராபி தொடரை முதன்முறையாக இந்தியா நடத்துகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்