சென்னை: எம்சிசி-முருகப்பா தங்க கோப்பை ஹாக்கி தொடரில் நடப்பு சாம்பியனான இந்தியன் ஆயில் கார்ப்பரேஷன் (ஐஓசி) அணி தனது கடைசி லீக் ஆட்டத்தில் தோல்வி அடைந்ததால் அரை இறுதிக்கு முன்னேறும் வாய்ப்பை இழந்தது.
சென்னை எழும்பூரில் உள்ள மேயர் ராதாகிருஷ்ணன் மைதானத்தில் நடைபெற்று வரும் இந்த தொடரில் நேற்று லீக் சுற்றின் கடைசி ஆட்டங்கள் நடைபெற்றன. இதன் ஒரு ஆட்டத்தில் ‘ஏ’ பிரிவில் இடம் பெற்றிருந்த ஐஓசி - மத்திய தலைமை செயலக அணியுடன் மோதியது. இதில் மத்திய தலைமை செயலக அணி 6-2 என்ற கோல் கணக்கில் ஐஓசி அணியை தோற்கடித்தது. அந்த அணி சார்பில் மொகமது ஷாரிக் (40 மற்றும் 58-வது நிமிடம்) 2 கோல்களும் ஹசன் பாஷா (20-வது நிமிடம்), ஆர்.மணிகண்டன் (24-வது நிமிடம்), மொகமது உமர் (35-வது நிமிடம்), அனிகேத் பாலாசாஹேப் (51-வது நிமிடம்) ஆகியோர் தலா ஒரு கோலும் அடித்தனர்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்