மழை அச்சுறுத்தலுக்கு இடையே இலங்கையுடன் இன்று மோதல்: வெற்றி நெருக்கடியில் நியூஸிலாந்து அணி

பெங்களூரு: ஐசிசி ஒருநாள் கிரிக்கெட் உலகக் கோப்பைதொடரில் இன்று பிற்பகல் 2 மணிக்கு பெங்களூரு சின்னசாமி கிரிக்கெட் மைதானத்தில் நடைபெறும் லீக் ஆட்டத்தில் நியூஸிலாந்து - இலங்கை அணிகள் மோதுகின்றன.

கேன் வில்லியம்சன் தலைமையிலான நியூஸிலாந்து அணி 8 ஆட்டங்களில் விளையாடி 4 வெற்றி, 4 தோல்விகளுடன் 8 புள்ளிகள்பெற்று புள்ளிகள் பட்டியலில் 4-வது இடத்தில் உள்ளது. முதல் 4 ஆட்டங்களில் வெற்றிகளை குவித்த அந்த அணி அதன் பின்னர் தொடர்ச்சியாக 4 தோல்விகளை சந்தித்தது. அரை இறுதிக்கு முன்னேறுவதற்கான வாய்ப்பை பெற வேண்டுமானால் இன்றைய ஆட்டத்தில் கட்டாயம் வெற்றி பெற்றாக வேண்டும் என்ற நெருக்கடியுடன் களமிறங்குகிறது நியூஸிலாந்து அணி. ஏனெனில் அந்த அணிக்கு இதுதான் கடைசி லீக் ஆட்டம்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்