ஐசிசி டி 20 கிரிக்கெட் உலகக் கோப்பை தொடரின் 9-வது பதிப்பு வரும் ஜூன் 2 முதல் 29-ம் தேதி அமெரிக்கா மற்றும் மேற்கு இந்தியத் தீவுகளில் நடைபெறுகிறது. இதில் இடம் பெற்றுள்ள 20 அணிகளும் 4 பிரிவுகளாக பிரிக்கப்பட்டுள்ளன. இதில் ‘ஏ’ பிரிவில் இந்தியா, பாகிஸ்தான், அமெரிக்கா, கனடா, அயர்லாந்து ஆகிய அணிகள் இடம் பெற்றுள்ளன. இந்த அணிகள் குறித்து ஒரு பார்வை.
பாகிஸ்தான் (2009 சாம்பியன்) - 2009-ம் ஆண்டு சாம்பியனான பாகிஸ்தான் அணி கடந்த இரு டி 20 உலகக் கோப்பை தொடரிலும் அரை இறுதி மற்றும் இறுதிப் போட்டி வரை முன்னேறியிருக்கிறது. இம்முறையும் பாபர் அஸம் தலைமையில் களமிறங்குகிறது. பேட்டிங்கில் அவருடன் முகமது ரிஸ்வான், சைம் அயூப், பஹர் ஸமான், இப்திகார் அகமது பலம் சேர்க்கக் கூடும். சுழற்பந்து வீச்சில் ஷதன் கான், இமாத் வாசிம், அப்ரார் அகமது ஆகியோரும் வேகப்பந்து வீச்சில் ஷாகீன் ஷா அப்ரிடி, நசீம் ஷா, ஹரீஸ் ரவூஃப், முகமது அமிர், அப்பாஸ் அப்ரிடி ஆகியோரும் அணியை பலப்படுத்தக் கூடும்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்