அடிலெய்டு: இந்திய வேகப்பந்து வீச்சாளரான ஜஸ்பிரீத் பும்ரா மிகச் சிறந்த வேகப்பந்து வீச்சாளர்களில் ஒருவர் எனவும், அவரை எதிர்கொள்வதில் உள்ள வலிமையான சவாலைப் பற்றி தனது பேரக்குழந்தைகளிடம் பெருமையுடன் கூறுவேன் என்று ஆஸ்திரேலிய கிரிக்கெட் அணியின் முன்னணி பேட்ஸ்மேனான டிராவிஸ் ஹெட் கூறியுள்ளார்.
இந்திய கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது. இரு அணிகள் இடையே பெர்த் நகரில் நடைபெற்ற முதல் டெஸ்ட் போட்டியில் இந்திய அணி 295 ரன்கள் வித்தியாசத்தில் அபார வெற்றி பெற்றது. கேப்டனாக செயல்பட்ட வேகப்பந்து வீச்சாளரான ஜஸ்பிரீத் பும்ரா இரு இன்னிங்ஸையும் சேர்த்து கூட்டாக 8 விக்கெட்களை கைப்பற்றி அணியின் வெற்றிக்கு முக்கிய பங்களிப்பை வழங்கியிருந்தார். மேலும் இந்த உயர்மட்ட செயல் திறன் காரணமாக ஐசிசி டெஸ்ட் கிரிக்கெட் பந்து வீச்சாளர்களுக்கான தரவரிசை பட்டியலில் மீண்டும் முதலிடத்துக்கு முன்னேறினார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்