சென்னை: ஆர்ஜே பாலாஜி நாயகனாக நடித்துள்ள படம், ‘சிங்கப்பூர் சலூன்’. இதில், சத்யராஜ், மீனாட்சி சவுத்ரி, லால், ரோபோசங்கர் உட்பட பலர் நடித்துள்ளனர். லோகேஷ்கனகராஜ், ஜீவா கவுரவ வேடத்தில் நடித்துள்ளனர். கோகுல் இயக்கியுள்ளார். வேல்ஸ் ஃபிலிம் இன்டர்நேஷனல் தயாரித்துள்ள இந்தப் படத்தை ரெட் ஜெயன்ட் நிறுவனம் வரும் 25-ம் தேதி வெளியிடுகிறது. படம் பற்றி நடிகர் ஆர்ஜே பாலாஜி கூறியதாவது:
லாக்டவுன் நேரத்தில் இயக்குநர் கோகுல் ஒரு கதை சொன்னார். பிடித்திருந்தது. சில காரணங்களால் அந்தப் படம் நடக்கவில்லை. அடுத்து சில மாதங்கள் கழித்து வேல்ஸ் நிறுவனம் மூலம் ‘சிங்கப்பூர் சலூன்’ கதை வந்தது.அந்தக் கதையுடன் என்னை ‘கனெக்ட்’ பண்ணிபார்க்க முடிந்தது. ஆனால், இது பெரிய படம் என்பதால் தயக்கம் இருந்தது. தயாரிப்பாளர் நம்பிக்கைக் கொடுத்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்